Donostiako Ecstatic Dance saioen antolatzaile eta bideratzailea. Jarduera Fisikoaren Zientzietan Lizentziatua (SHEE) eta Magisteritzan Diplomaduna (EHU), Musikoterapiako Unibertsitate EEES Ziurtagiria, baita Bioenergetikan, Coaching Holistikoan, Biodantzan eta Ecstatic Dancen hainbat ikastarotako prestakuntza duena. Adierazpen Dinamikoan Dr. Angel Luis Fuentes Searrano irakaslearen eskutik trebatua goi mailako unibertsitate ikasketak burutu zituenean.

Jarduera fisikoetan eta giza mugimenduan aditua, urte askotako esperientzia du jarduera fisikoaren, osasunaren, bizi-kalitatearen, hezkuntzaren eta aisialdiaren arloetako lan-metodoen kudeaketan, plangintzan eta lidergoan. Vipassana Meditazioan eta Meditazio Dinamikoan ikertzailea, autobehaketa eta arreta osoko prozesuak bultzazten dituzten barne-kontzientziarekin eta hazkunde espiritualarekin lotura aktiboa sustatzen duten autotransformzioko jarduera terapeutiko gisa.

Pertsonen ongizate integralerako, osotasunarekiko batasun horretarako bidean zerbitzatzeko bokazioarekin aurkezten da. Musika maite du, baita mugimenduaren bidez inspiratzea, konektatzea eta sendatzea, hori guztia hazkunde pertsonaleratz eta espiritualerantz. Ecstatic Dance esperientziaren bidez, pertsonaren garapen integrala sustatzen du, gorputz fisikoaren, adimenaren, emozioen eta espirituaren arteko oreka osasungarria bilatuz.

Ecstatic Dance saioetako bideratzaile gisa erritmo, melodia, estilo eta kolore ezberdinetako bidaia musikalak sortzen ditu, adierazi nahi denarekin harremanetan jartzeko inspirazioa ematen dutenak. Musika kontu handiz aukeratzen du, mugimendu librea eta gorputz adierazpena estimulatzeko. Kultura, lerro estetiko eta musika-mugimendu askoren eragina duen musika. Hainbat estilotako musika nahasten du, gida inspiratzaile bihurtuz, eta bidaia bat egitera gonbidatzen dute, hainbat gorputz-sentsazio eta paisaia emozionaletan barrena. Bere saioek musika espektro guztia estaltzen dute, abesti lasaietatik hasi eta abesti zaratatsu eta oso basatietaraino. Musikak saioan zehar eboluzionatzen duten erritmoetan murgiltzen gaitu eta sentsazioen itsaso batean flotarazten gaitu. Mugarik gabe, taldearen energiarekin, mota guztietako musika estiloen, erritmoen eta erritmo joeren nahasketa bat proposatuz, burua alde batera utziz pentsatu gabe dantzatzera animatzen duten fluxuak sortuz.